هذا بوست جديد من نوعه، حبيت أشارككم بموضة العبايات لصيف ٢٠١٥، من قصَات، ألوان و كيف ممكن تنسقي كل عباية.
في هذي التدوينة راح أعرضلكم شغل مميز ل ٣ مصممات عمانيات:
هاجر البلوشي @hajerbelochicouture
إبتسام الأنصاري @omroyalcouture
شيماء الوهيبي @shim_collection
و تصوير الرئعة أشواق المسكري @elshog
نبداء بتصاميم هاجر البلوشي
الون الأزرق البحري من الألوان المفضلة حاليا و تم مزج اللؤلؤ في العباية و هي من الأشياء الكلاسيكية الي ممكن تلبسيها في اي موسم و مره دارجه هذا الصيف.
بعدين، عندنا هذي العباية الفنكية/المرحة لان فيها قصة مميزه في أطراف العباية
مرة حلوة للصيف لان تعطيك حرك حلوة و نفس الوقت عملية. ممكن تنسيقها مع ألوان النود، فاقعه او حتى الألوان الميتالك لان لون العباية هادي ممكن يمشي معاه أشياء كثيرة.
ثالث عباية حبيتها لانها ناعمة و خفيفة مناسبة للصيف. ما لازم تلبسي عباية فيها ألوان كثيره بس بعد ممكن تعتمدي على القصة تكون حلوة تناسب هذا الموسم.
من أهم موضات هذا الموسم في دمج الأبيض و الأسود !
و اخر عباية عندنا ستايل الغتره
حسيتها تناسب الجمعات الرمضانية و الوانها مفرحة بعد و هادية.
حبيت فكرة هذي العباية و طبعا الؤلؤ مره ثانية !
ممكن تنلبس كعباية عملية لان لونها هادي او عباية تناسب المناسبات الخاصة اذا لبستيها مع شيء مميز تحتها.
كان تنسيقي لهذي العباية بسيط لان لونها و اللؤلؤ ميزها فما حبيت أخذ جمال العباية.
ثاني عباية و من اكثر الألوان انتشارا هذا الصيف هوه الأبيض او off white
حبيت الطباعه الغريبة على العباية و حسيتها ممكن تناسب كل الإعمار بس ممكن تختلف من تنسيق لآخر.
نسقتها مع الأزرق البحري و اكسسوارات فضية. الأبيض لون جميل فحلو تنسقوا معاه أشياء خفيفة.
و اخر عباية
حبيت طباعة الورد على نهاية العباية يعطي طله صيفية حلوه و العباية مره عملية. لان لون العباية أسود حبيت أعطي اللوك لون قوي مثل الأصفر ( من الألوان المفضلة لصيف ٢٠١٥).
تصاميم شيماء الوهيبي:
حبيت دمج الذهبي و الرصاصي في هذي العباية.
أهم شيء في الصيف تلبسي شيء خفيف و تكوني مرتاحة فيه
و بعد حبيت دمج الذهبي مع اللون الأبيض في هذي العباية و مثل ما ذكرت قبل اللون الأبيض مره دارج هذا الصيف بين المصممات لكولكشن الصيف.
عباية راقية و تناسب طالعتك المميزة. ممكن تلبسي الجلد في اي موسم بس لازم تتأكدي ان نوع الجلد خفيف يناسب الصيف
و اخر عباية شوي مختلفة عن العبايات الي قبل، تم دمج قطع الجلد في العباية
هذا كل لهذا البوست، حبيت أشكر كل المصممات الي ساهموا في إنجاح هذي التدوينة و أشواق على تصويرها الجميل و كل حد حضر التصوير للمساعدة. أتمنى استفدتوا من تدوينتي و صار عندكم فكره عن العبايات الصيفية لما تروحوا تتسوقوا 💙✨
Xo
Anwaarintheblue
